Gjatë gjithë paradites së djeshme ia vranë e ia qanë të dashurin Fjolla Morinës. Diçka e kishin keqkuptuar nga një intervistë që Fjolla kishte dhënë. Kur ishte pyetur se çfarë nënkuptonte zhgënjimi për të, Fjolla kishte thënë se për të zhgënjim ishte kur dikush ndahej nga jeta dhe ndaj lidhja përfundonte dhe jo kur dikush zgjidhte vetë të ndahej prej saj. Pasi në këtë rast nuk do t`ia vlente as të zhgënjeheshe. Të gjithën këtë, portalet e interpretuan si vdekjen e të dashurit të saj dhe duke aluduar se ia kishin vrarë.
Fjolla nuk qëndroi në heshtje. Në fund të ditës i shkroi disa fjalë për t`i sqaruar të gjithë.