Lajme të mira vijnë nga një revistë satirike gjarmane! Shumica e njerëzve në këtë planet kanë pasuri prej disa milionë eurosh. Kjo rezultoi nga një vlerësim i hollësishëm i përdoruesve të rrjetit social Instagram.
Sipas fotografive të vlerësuara, shumica e njerëzve gëzojnë luksin e jetëve të tyre, marrin pjesë në party ekskluzive, hanë vetëm ushqimin më të mirë dhe pushojnë në plazhet më përrallore.
“Njerëzimi ka arritur një cilësi të pabesueshme të jetës në vitet e fundit”, mrekullon themeluesi i Instagram, Kevin Systrom. “Shumica e përdoruesve të Instagram kanë një jetë më të mirë se unë. Jam unë shpikësi i këtij aplikacioni, pikë së pari.”
Financiarisht, shumicës dërrmuese nuk u mungon asgjë: Në vend të një pune konvencionale në zyrë, pothuajse të gjithë kanë një karrierë fitimprurëse si modele, muzikantë, blogerë ose DJ. “Pothuajse të gjithë e përballojnë jetesën e tyre me aktivitete artistike dhe krijuese dhe kanë partnerë jashtëzakonisht tërheqës, me të cilët përjetojnë vazhdimisht momente romantike para një sfondi të mrekullueshëm”, thuhet në vlerësim.
Bilanci i punës dhe i jetës është gjithashtu i shkëlqyer për shumicën e njerëzve: “Ata kanë oraret fleksibël dhe kalojnë pjesën më të madhe të kohës në palestër,” theksohet në vlerësim. Por kjo nuk është çudi: “Në fund të fundit, ata në një farë mënyre duhet të djegin pesë kokteje, smoothies dhe më shumë se 10.000 kalori që konsumojnë çdo ditë në restorantet më të mira të qytetit”.
Burimi i lajmit: https://www.der-postillon.com/2018/05/instagram-auswertung.html
Burimi i fotos kryesore: https://stocksnap.io