Enca merr një pafundësi mesazhesh dhe sigurisht që nuk ka kohë t’i shqyrtojë të gjithë. Por ka raste kur gjendet kapësira kohore dhe mes teksteve të ndryshme gjenden perla. Kjo gjë ka ndodhur ditën e sotme, ku këngëtarja ka hapur disa mesazhe që i kishte dërguar një fanse, e cila dukej sikur po bisedonte me veten.
“Me kë flet moj motër”, e ka pyetur Enca vajzën, ndërkohë që mund të lexohen qartë mesazhe të tipit “Dil në ballkon”, “Ku po shkon”, “Nuk po të kuptoj”, etj.
Mirëpo, një tjetër person i ka dërguar një mesazh Encës dhe i ka thënë se këto mesazhe janë dërguar tek këngëtarja me qëllim që burri i fanses mos ta kapi atë duke e tradhtuar.
“E vetmja mënyrë mos ta kap burri është duke mbajtur të njëjtin instagram e të shkruajnë mesazhe të dy tek ty”, i shkruan ndjekësi Encës. “S’më kishte vajtur mendja këtu”, shkruan Enca. Më pas, këngëtarja duket se e ka marrë me shumë sportivitet këtë situatë dhe ka postuar disa foto nga klipi i saj “Dua”, ku ka shkruar përbri tyre “Kuku ai është i martum, në një Instagram të dy shkruajnë”.
Link: https://www.instagram.com/enca/
Burimi i fotos kryesore: https://www.instagram.com/p/Bk-kMkZHtHz/?taken-by=enca