Këngëtarja Soni Malaj në një intervistë për emisionin “Tempora”, në “RTV Ora”, ka folur si rrallë herë për vajzën e saj.
Këngëtarja ka rrëfyer se çfarë marrëdhënie ka me vogëlushen Anën, e cila tashmë është 7 vjeçe. Ajo tregoi se vajza ka personalitetin e saj dhe mundohet ta respektojë.
“Është 7 vjeçe. Vazhdon të jetë një fëmijë shumë i dëgjuar. Ka personalitetin e saj që unë mundohem ta respektoj dhe me anë të respektit e vë të kuptojë se ka një personalitet që duhet respektuar dhe asnjëherë nuk duhet bërtitur.”
Por si e ka përjetuar Ana famën dhe suksesin e nënës së saj?
“Në fillim nuk e përjetonte mirë. E bezdiste ajo tërheqja e vëmendjes nga ana e Ana e vogël tek mami Soni. Fillova të shqetësohesha pak sepse mua nuk më pëlqejnë këto tendencat e ambicies apo xhelozisë. Por me kalimin e kohës duke e kuptuar, kaloi në stadin: A e di ti kush jam unë, jam goca e Soni Malajt. Gjë që unë e kam bezdi. E kapa në një moment në flagrancë për këtë dhe i thashë: Mami e ka bërë me shumë mund emrin, ti nuk duhet të mbahesh tek emri i mamit por duket të kesh personalitetin tënd. Kjo është gabim”.
Këngëtarja tregoi edhe ëndrrën më të madhe për të bijën ndërsa tha se dëshira e saj është që Ana të bëhet këngëtare:
“Jam në qiellin e shtatë. Kur ajo këndonte dhe kishte tendencat e stonaturës, i thosha mamit ububu nuk do më bëhet. Sepse e kam ëndërr që të bëhet këngëtare. Dhe mami im si një gjyshe që i thotë gjërat e drejtpërdrejta, i thotë: Nuk je fare si mami. Mami në moshën tënde yhy. I them që mami mos ia thuaj këtë. Por po e projekton drejt artit, kurse unë dua ti lë dorë të lirë”.
Link:https://www.youtube.com/watch?v=mI0jGYSprvM
Burimi i fotos: https://www.instagram.com/p/BAh6pNayDkh/