30 vjeçarja Diena Meçaj Karanxha së bashku me të bijën 8 vjeçare ishin ndër viktimat e tërmetit tragjik që deri tani ka shkaktuar 41 viktima.
Diena ishte piktore dhe vite më parë kishte pësuar një tjetër tragjedi, ku kishte humbur të shoqin.
Shoku i saj i ngushtë i ftuar në “Ftesë në 5” në “Top Channel”, tregon momentet e fundit kur ka komunikuar me Dienën.
Ai tha në studio se shtëpia e Dienës nuk ishte dëmtuar thuajse fare, madje ajo e kishte ndier tërmetin e parë dhe kishte bërë status në Facebook, ndërsa më pas kishin komunikuar bashkë për tërmetin.
“Nuk e di pse i thoja Zotit sot gjatë gjithë ditës, si nuk thashë dil përjashta që mos të kapë muri”, u shpreh ai gjatë emisionit të pasdites.
Diena u nxorr e gjallë nga rrënojat, por humbi jetën në spital si pasojë e plagëve të rënda.
https://www.instagram.com/p/B5YUEUVFpMh/Link: https://www.instagram.com/p/B5YUEUVFpMh/