Loredana është vënë sërish në qendër të vëmendjes.
Pas ndarjes nga Mozzik, këngëtarja po përflitet së fundmi për një lidhje me reperin gjerman Bonez.
Mjaftuan vetëm disa foto që të lindnin dyshimet e para, të cilat u quajtën thjesht thashetheme si nga Loredana ashtu edhe nga reperi.
Megjithatë ajo që na ka rënë në sy është një mesazh shumë domethënës i publikuar nga Mozzik në instagramin e tij.
Këngëtari shkruan në gjermanisht: “Sa mirë që njerëzit e tregojnë shumë shpejt fytyrën e tyre të vërtetë”, ndërsa e shoqëron shkrimin me një fytyrë që ndryshon vazhdimisht.
Ai nuk i është referuar askujt në veçanti, por nisur nga thashethemet e fundit të bën të mendosh që ky mesazh mund të jetë për Loredanën.
Ata të dy u ndanë gati dy muaj më parë dhe njoftimin për këtë e dha vetë Loredana përmes një mesazhi të gjatë në instagram ku komunikoi edhe shkëputjen profesionale nga Mozzik.
Ata të dy kanë një vajzë të vogël së bashku e cila sapo ka mbushur një vjeç.
Link: https://www.instagram.com/mozzik/
Burimi i fotos: https://www.instagram.com/p/B5cdgIKluRk/, https://www.instagram.com/p/B4pZptAqQb1/