Shkon në 186 numri i të prekurve me Coronavirus në vend.
Gjatë testimeve të kryera së fundmi rezultojnë 12 raste të reja gjatë 24 orëve të fundit.
Ndërkaq harta është shtuar edhe me qytetin e Pukës ku janë shënuar dy rastet e para me Coronavirus.
Në spitalin infektiv ndodhen aktualisht 77 të shtruar, 5 prej të cilëve në terapi intensive.
Numri më i madh i të prekurve vazhdon të jetë në Tiranë me 107 raste.
Sipas Ministrisë së Shëndetësisë në total janë 31 të shëruar të cilët pas dy testeve kanë rezultuar negative.
Ministria e Shëndetësisë ju ka kërkuar edhe njëherë qytetarëve që të mos drejtohen menjëherë në spital dhe gjithashtu të vazhdojnë të respektojnë masat e vendosura nga qeveria për të shmangur përhapjen e mëtejshme të virusit.
Link: https://www.youtube.com/watch?v=Fe1BYaudskA
Burimi i fotos: https://shendetesia.gov.al/