Një ekip ekspertësh të Facebook kanë krijuar së fundmi një chat special dedikuar çifteve.
Aplikacioni i ri i quajtur “Tuned” ka për synim të përforcojë komunikimin midis një çifti dhe ndërmjet atyre që janë duke u bërë çift.
Kështu përmes këtij aplikacioni të veçantë partnerët mund ti dërgojnë njëri tjetrit që nga mesazhet e thjeshta e deri tek ato zanore, fotografi, figura, si dhe mund të shpërndajnë këngë përmes një llogarie të lidhur me Spotify.
Gjithashtu ata mund ti përcjellin ndjenjat njëri tjetrit dhe të rregjistrojnë eksperiencën e tyre të dashurisë në një lloj ditari special që është pjesë e këtij chati.
Ndërkaq sipas Revistës “The Verge”, ky aplikacion mund të përdoret falas.
Nuk është e nevojshme një llogari në Facebook dhe rregjistrimi mund të realizohet përmes numrit të telefonit ,njësoj si bisedat në “WhatsApp”, me ndryshimin që komunikimi në këtë lloj aplikacioni është i limituar vetëm për dy persona.
Aktualisht ky aplikacion është i disponueshëm vetëm për sistemin IOS dhe mund të gjendet vetëm në dyqanet Apple në Shtetet e Bashkuara të Amerikës dhe Kanada.
Ende nuk dihet nëse “Tuned”, do të mund të përdoret më vonë edhe për Android.
Facebook nuk e ka bërë vetë njoftimin zyrtar për aplikacionin e ri, pasi e shikon “Tunes” ende si një eksperiment.
Prezantimi në dyqanet Apple është bërë nga skuadra e produkteve eksperimentale pranë Facebook.
Burimi i fotos: https://www.pexels.com/photo/access-application-browser-connection-267469/