Aktualitet

Pasaportë vaksinimi për të hyrë në lokale, Ogerta Manastirliu flet për vendimin

Ministrja e Shëndetësisë, Ogerta Manastirliu, paralajmëroi se me lokalet dhe restorantet në vend mund të veprohet njësoj si me universitetet përsa i përket pasaportës së Covid.

Ajo ka treguar se po e konsultojnë një vendim të tillë për restorantet dhe lokalet.

Ministrja Manastirliu shtroi në formë pyetje drejtuar deputetëve të opozitës nëse duhet aplikuar edhe në Shqipëri e njëjta formulë si në vendet e Bashkimit Europian, ku për të hyrë në lokale, restorante dhe institucione duhet që qytetarët të jenë të pajisur me Green Pass (pasaporta e vaksinës Covid).

 

“Mos harrojmë që kur krahasohemi me Europën dhe dalim këtu dhe flasim për klasifikime, duhet të përmendim kontekstin. Si hyhet në një lokal, në një bar, në një restorant në Europë? A hyhet me Green Pass? Do ta vëmë Green Passin? Si shkohet në strukturat e tjera të shërbimit? Do ta vëmë Green Passin. E vendosëm në universitete”, deklaroi ministrja e Shëndetësisë Ogerta Manastirliu.

Mbetet për t’u parë nëse Komiteti i Ekspertëve do ta vendosë këtë urdhër për të hyrë në lokale, restorante dhe strukturat e shërbimit?

Linku:https://www.facebook.com/OgertaManastirliu

Burimi i fotos: unsplash.com