Të shpenzosh shumë kohë para televizorit.
Me gjithë serialet që dalin gjatë Ramazanit, është shumë joshëse të ulesh para televizorit gjatë gjithë ditës duke kaluar nga një serial në tjetrin. Më shpejt se sa mendoni, do të kuptoni se dita ka rrëshqitur dhe nuk keni bërë asgjë tjetër veçse të jeni të plogësht në një divan duke parë televizor. Zgjidhni dy ose tre max në vend që të shikoni gjithçka që është në TV – ne e dimë se është joshëse, por nuk duhet të dorëzoheni. Në këtë mënyrë do të keni më shumë kohë në ditë për aktivitete të tjera.
Ngrënia e tepërt për Iftar.
Ekziston një mënyrë e shëndetshme për të prishur agjërimin, dhe kjo nuk ka të bëjë kurrë me ngrënien e tepërt. Agjërimi për orë të gjata na jep një ndjenjë të zmadhuar urie, kështu që ne priremi të hamë më shumë sesa ka nevojë trupi ynë. Prisni agjërimin me hurma, jepni nja dy minuta që të fillojë stomaku, ndërkohë mund të shkoni për namazin e akshamit. Filloni të hani ngadalë me supë për të ngrohur stomakun tuaj dhe sallatë për të lehtësuar tretjen. Shmangni ushqimin e skuqur për Iftar dhe përpiquni të përfshini opsione më të shëndetshme. Gjithashtu, kini kujdes për ëmbëlsirat. Është më mirë ta reduktoni fare sheqerin.
Zakonet jo të mira të gjumit.
Ne duam që dita të kalojë shpejt, kështu që priremi të flemë më gjatë se zakonisht, por si rezultat, përfundojmë të ndihemi më të lodhur dhe më dembelë për shkak të gjumit të tepërt. Mendoni për aktivitete të tjera për të humbur kohën, të tilla si një shëtitje e shkurtër, leximi i Kuranit, shënimi i ditarit ose kapja e gjërave që duhet të bëni. Gjithashtu, ndërsa netët janë më të gjata në Ramazan me tubimet dhe çadrat e syfyreve, ne flemë vonë dhe zgjohemi të lodhur për punë të nesërmen. Pra, sigurohuni që trupi juaj të flejë bbrenda normave.
Kapërcimi i syfyrit.
Si anashkalimi ashtu edhe ngrënia e syfyrit jo të shëndetshëm janë të dëmshme për shëndetin tuaj. Disa njerëz janë shumë dembelë për të përgatitur syfyr, kanë pirë shumë për iftar sa nuk mund të hanë më, ose e marrin si një mundësi për të ngrënë më pak dhe për të humbur peshë. Në fakt, anashkalimi i syfyrit do t’ju bëjë të ndiheni të lodhur dhe të uritur të nesërmen, por edhe të shikoni për zgjedhjet tuaja. Zgjidhni produktet e qumështit, proteinat dhe ushqimet me tretje të ngadaltë si buka, dhe shmangni ushqimet e kripura dhe pikante, në mënyrë që të mos mbeteni të etur.
Mungesa e kontrollit mbi fjalët tona.
Nëse fjala juaj është e ashpër dhe jo e butë, mos e thuaj. Nëse fjalët tuaja e bëjnë dikë të ndihet i lënduar, i turpëruar mos i thuaj. Nëse bëni thashetheme atëherë duhet të kontrolloni fjalët tuaja dhe të ndaloni menjëherë. Ky zakon i keq nuk duhet ta ndalohet vetëm në Ramazan, por duhet të jetë një mënyrë jetese ku thashethemet dhe bisedat negative nuk kanë vend në jetën tonë.
Linku: https://www.egypttoday.com/Article/6/114482/5-Common-Mistakes-We-Make-During-Ramadan
Burimi i fotos: pexele.com