Megjithëse nuk ka garanci kur bëhet fjalë për parandalimin e humbjes së kujtesës, këto aktivitete mund të ndihmojnë!
Jini fizikisht aktiv çdo ditë
Aktiviteti fizik rrit qarkullimin e gjakut në të gjithë trupin, duke përfshirë edhe trurin. Kjo mund t’ju ndihmojë të mbani kujtesën tuaj aktive.
Qëndroni mendërisht aktiv
Ashtu si aktiviteti fizik e mban trupin në formë, aktivitetet që angazhojnë mendjen ndihmojnë në mbajtjen e trurit në formë. Këto aktivitete mund të ndihmojnë në parandalimin e njëfarë humbjeje të kujtesës. Bëni fjalëkryqe. Lexoni. Luani lojëra. Mësoni një instrument muzikor apo provoni një hobi të ri.
Kaloni kohë me të tjerët
Ndërveprimi social ndihmon në largimin e depresionit dhe stresit. Të dyja këto mund të kontribuojnë në humbjen e kujtesës. Bashkohuni me të dashurit, miqtë dhe njerëzit e tjerë, sidomos nëse jetoni vetëm.
Qëndroni të organizuar
Ka më shumë gjasa të harroni gjërat nëse shtëpia juaj është e rrëmujshme ose nëse shënimet i keni rrëmujë. Shënoni detyrat, takimet dhe ngjarjet e tjera në një kalendar. Mbani të përditësuara listat e detyrave. Mos bëni shumë gjëra në të njëjtën kohë.
Hani një dietë të shëndetshme
Hani fruta, perime dhe drithëra. Zgjidhni burime proteinash me pak yndyrë, si peshku dhe fasulet. Ajo që pini gjithashtu ka rëndësi. Alkooli i tepërt mund të çojë në konfuzion dhe humbje të kujtesës.
Menaxhoni problemet kronike shëndetësore
Ndiqni këshillat e mjekut për trajtimin e gjendjeve mjekësore, të tilla si presioni i lartë i gjakut, diabeti, depresioni, humbja e dëgjimit dhe obeziteti.
Link: https://www.southvalleyneurology.com/blog/6-things-we-can-do-to-prevent-memory-loss
Foto: Freepek.com