Grupet e të drejtave të njeriut në Evropë kanë depozituar ankesa kundër kompanisë mëmë të Facebook, Meta, duke e akuzuar atë për përdorimin e një algoritmi që synon përdoruesit me reklama pune të bazuara në stereotipe historike gjinore.
Platforma e reklamave e Facebook shpesh synon përdoruesit me postime pune të bazuara në stereotipe historike gjinore.
Kompania mëmë e Facebook-ut Meta po përballet me akuzat për gjoja përdorimin e një algoritmi që synon përdoruesit me reklamat e kompanive për punë të bazuara në stereotipin historik gjinor. Katër ankesat nga grupet e të drejtave të njeriut në Evropë, vijnë vite pasi Meta u zotua për të goditur çështjen e diskriminimit gjinor në mbarë botën.
Akuzat kundër Facebook u ngritën bazuar në hulumtimin e kryer nga organizata jofitimprurëse Global Witness. Hulumtimi u raportua nga media CNN.
Facebook është përballur me pretendime të ndryshme për diskriminim, duke përfshirë dërgimin e shpalljeve të punës, gjatë dekadës së fundit. Në vitin 2019, si pjesë e një marrëveshjeje për zgjidhjen e padive të shumta në Shtetet e Bashkuara, platforma premtoi të bënte ndryshime për të parandaluar shpërndarjen e njëanshme të reklamave për strehim, kredi dhe punësim bazuar në karakteristika të mbrojtura, si gjinia dhe raca.
Në disa raste, thonë avokatët e të drejtave të njeriut, paragjykimet që duket se shfaqen nga sistemi i reklamave të Facebook mund të përkeqësojnë pabarazitë e tjera.
Burimi i fotos: pexele.com