Beteja ligjore mbi pasurinë franceze të Brad Pitt dhe Angelina Jolie të verës, Château Miraval, vazhdon të përshkallëzohet.
CNN ka siguruar një dosje të re gjyqësore, ku thuhet se ish-firma e investimeve të Jolie, “Nouvel”, akuzon Pitt se po përpiqet të mbajë kontrollin e Château Miraval duke “marrë” asetet e saj.
Firma e investimeve të aktores së famshme të Hollywood-it tani po kërkon të paktën 350 milionë dollarë dëmshpërblim nga ish-bashkëshorti i saj.
“Pitt shpërdoroi asetet e kompanisë, duke shpenzuar miliona për projekte të kota, duke përfshirë më shumë se 1 milion dollarë në rinovimin e pishinës, ndërtimin dhe rindërtimin e një shkalle katër herë dhe duke shpenzuar miliona për restaurimin e një studio regjistrimi,” shkruhej në dokument.
Avokatët e “Nouvel” pretendojnë në dosje se “sjellja e papërshtatshme” e Pitt u përshkallëzua pasi Jolie shiti “Nouvel” në tetor 2021 te Tenute del Mondo, një degë e Stoli Group, e kontrolluar nga oligarku rus Yuri Scheffler.