Aktori ikonik, Al Pacino duhet t’i paguajë të dashurës së tij, Noor Alfallah, mbi 30 mijë dollarë në muaj si mbështetje për fëmijën.
Një gjykatës i Los Anxhelosit urdhëroi më tej yllin e “Scarface” t’i paguaj Alfallah 110 mijë dollarë paraprakisht përpara se të vazhdonte me pagesat mujore prej 13 mijë dollarësh për një infermiere natën dhe të mbulonte çdo faturë mjekësore jashtë mbulimit të sigurimit shëndetësor.
Jo vetëm kaq, por Pacino është urdhëruar të bëjë një depozitë vjetore prej 15 mijë dollarësh në një fond arsimor për djalin e tij më të vogël.
Gjykatësi vendosi gjithashtu që Alfallah, 29 vjeçe dhe Pacino, 83 vjeç, do të kenë kujdestarinë ligjore të përbashkët, ndërsa producenti i Sony do të ketë kujdestarinë fizike parësore.
Çifti u lidh fillimisht në mënyrë romantike me Alfallah në prill të vitit 2022, por më vonë u zbulua se ata kishin qenë në lidhje që nga pandemia COVID-19.
“Pacino dhe Noor filluan të takoheshin gjatë pandemisë. Ajo shoqërohet kryesisht me burra të moshuar shumë të pasur, ishte me Mick Jagger për një kohë dhe më pas u takua me Nicholas Berggruen”, tha një burim aso kohe.
“Ajo ka qenë me Al për disa kohë dhe ata kalojnë shumë mirë. Diferenca në moshë nuk duket të jetë problem, edhe pse ai është më i madh se babai i saj”, ka shtuar më tej burimi.
Në maj të vitit 2023, u zbulua se Alfallah ishte tetë muajshe shtatzënë ndërsa priste fëmijën e tyre të parë së bashku dhe të katërtin e aktorit.