Princi William dhe Kate Middleton kënaqën fansat mbretërorë duke publikuar një foto të re të fëmijëve të tyre në ditën e Krishtlindjes.
Princi George, 10 vjeç, Princesha Charlotte, 8 dhe Princi Louis, 5 vjeç, buzëqeshën ndërsa ishin ulur në një stol në një foto të rastësishme bardh e zi të publikuar nga prindërit e tyre.
Charlotte u pa e ulur në mes të vëllezërve të saj me krahët rreth tyre në foto, e cila u shkrep nga fotografi Josh Shinner.
“Duke uruar të gjithëve një Krishtlindje të gëzuar, nga familja jonë tek e juaja”, shkruan Princi dhe Princesha e Uellsit, të dy 41-vjeç, në mediat sociale.
Portreti i sapo publikuar duket se është realizuar në të njëjtën kohë me kartën zyrtare të Krishtlindjeve të familjes.
Ajo foto festive u kritikua për një dështim të shquar të ‘photoshop-it’ që fshiu një nga gishtat e Louis.
“Gishti i Princit Louis mungon, gjithashtu ata kanë fotoshopuar këmbën e dikujt tjetër në të tijën. Unë me siguri shpresoj që taksapaguesit të mos e paguajnë atë”, shkroi në X/Twitter një fans.
“Gishti i mesit i Princit Louis mungon dhe këmbët e tij duken të çuditshme”, ka shkruar një tjetër.
Middleton dhe William thuhet se ishin “po aq të tronditur sa të gjithë të tjerët” dhe “të turpëruar” kur panë gabimin që po transmetohej në botë.
Pavarësisht gabimit, ka qenë një sezon i ngarkuar Krishtlindjesh për treshen e re mbretërore.
Ata shoqëruan nënën e tyre për të dalë vullnetare në një bamirësi që është pjesë e Qendrës së Fondacionit Mbretëror për Fëmijërinë e Hershme, ku ndihmuan në përzgjedhjen e rrobave dhe lodrave për fëmijët në nevojë.