Shëndeti i syve përkeqësohet me kalimin e moshës, e megjithatë kjo nuk do të thotë që ndërhyrja kirurgjikale është alternativa më e mirë për të pasur sy të mprehtë.
Ekspertët thonë se njerëzit mund ta përmirësojnë shikimin e tyre në mënyrë krejt natyrale me 6 këshillat e mëposhtme dhe ushtrime të specializuara për sytë.
Gjashtë këshilla si të përmirësoni shikimin pa nevojën e ndërhyrjes kirurgjikale
Ekspertët thonë se vendosja e syzeve për njerëz, shikimi i të cilëve dobësohet ose pëson një ndryshim të lehtë, ka një efekt përkeqësues.
Kujdesi për sytë
Hapi i parë drejt përmirësimit të shikimit është që të jeni të ndërgjegjshëm për sytë dhe përdorimin e tyre.
Ekspertët thonë që duhet të tregoheni të vëmendshëm kur i picërroni sytë, problemet në orientim e të tjerë.
Shumë njerëz janë të detyruar të mbajnë syze çdo ditë.
Kësisoj, sytë mësohen dhe nuk përpiqen fort për tu përqendruar.
Disa ekspertë rekomandojnë që të mos i përdorni syzet për disa orë në ditë në mënyrë që syri të mësohet e të përpiqet për një shikim më të fortë.
Shikoni afër dhe larg
Me kalimin e kohës, njeriu humbet aftësinë për të parë qartë nga distanca të ndryshme.
Kjo është veçanërisht e vërtetë tek njerëzit që jetojnë në zonat urbane të cilët nuk janë në gjendje të mprehin shikimin e tyre në distanca të largëta.
Ekspertët këshillojnë që t’i trajnoni sytë duke u përpjekur për të parë sa më larg dhe më pas nga afër duke u fokusuar tek detajet.
Lodhja e syve
Njerëzit që qëndrojnë shumë kohë para kompjuterit apo televizorit përballen me lodhje të syve që pasohet nga dhimbje koke.
Shikimi në të gjitha drejtimet
Sa herë që duhet të shikoni në një drejtim të caktuar, përpiquni të mos lëvizni kokën por të vini sytë në punë.
Përpiquni të shikoni majtas, djathtas, lart dhe poshtë, madje edhe majën e hundës në mënyrë që t’i stërvitni sytë.
Ushqyerja
Ekspertët thonë se njeriu duhet të konsumojë më shumë fruta, perime, yndyrna të shëndetshme, proteinë, drithëra, arrorë dhe fara.
Në fund të fundit, shikimi i mirë varet nga përkujdesja për sytë në të gjitha drejtimet.
Ekspertët këshillojnë që t’i mbuloni sytë me pëllëmbët e duarve dhe të qëndroni në këtë mënyrë disa minuta.
Do të vëreni se shikimi juaj do të jetë më i mprehtë e sytë më të çlodhur.
Linku: https://www.optometrists.org/general-practice-optometry/guide-to-eye-health/eyes-the-windows-to-your-health/6-tips-for-healthy-eyes-after-50/
Foto: Freepik.com