Prezantuesi dhe komediani amerikan, Jimmy Kimmel la të kuptohej se emisioni i tij i tipit ‘Late Night Show’ natën do të përfundojë pasi kontrata e tij të skadojë në vitin 2025.
Kimmel në një intervistë për, tha se koha që i ka mbetur duke u bazuar në kontratën aktuale, është “e mjaftueshme”, duke e cilësuar po ashtu si “përfundimtaren”.
“Mendoj se kjo është kontrata ime përfundimtare. E urrej edhe ta them, sepse të gjithë po qeshin me mua tani – sa herë e mendoj këtë, dhe më pas rezulton se nuk është kështu. Kam ende pak më shumë se dy vjet në kontratën time, dhe kjo duket shumë mirë. Kjo duket e mjaftueshme”, tha Kimmel.
Prezantuesi i “Jimmy Kimmel Live!” 56 vjeç, shpjegoi se përgatitja për të udhëhequr ceremoninë “Oscars 2024” ka shtuar gjithashtu dëshirën e tij për t’u tërhequr.
“Është e vështirë të lakmohesh kur e bën atë”, tha ai.
“Një natë isha shumë i lodhur dhe kisha të gjitha ato skenarë për të kaluar – më duhej të rishikoja dhe rishkruaja të gjitha këto ide për çmimet ‘Oscar’ – dhe fjalë për fjalë po tundja kokën në kompjuterin tim. Në ato momente, thoja ‘Nuk mund të pres derisa kontrata ime të përfundojë’. Por më pas, e marr pushimin e verës ose hyj në grevë, dhe ju filloni ta vini re se po iu mungojnë gjërat argëtuese’”, ka shtuar ai.
Kimmel madje reflektoi se si do të dukej jeta nëse do ta hidhte poshtë profesionin aktual, duke bërë shaka se “e gjitha përfshin më shumë punë”.
“Unë nuk e di saktësisht se çfarë do të bëj”, pranoi ai.
Fituesi i “Emmy-t” shpjegoi se ai ka “shumë hobi”, duke përfshirë gatimin dhe vizatimin.
“E di që kur të vdes, nëse do të kem fatin të vdes në kushtet e mia në shtratin tim, do të mendoj: ‘Oh, nuk kam qenë kurrë në gjendje të arrij deri në këtë, dhe nuk kam qenë kurrë në gjendje të arrij tek kjo’. Unë thjesht e di për veten time”, tha ai.
Kimmel ka qenë nikoqir i emisionit të njohur të bisedave ABC në orët e vona të natës që nga viti 2003. Së fundmi ai festoi 20 vjetorin e shfaqjes me të njëjtët të ftuar që u shfaqën në episodin e parë.
Linku: https://nypost.com/2024/02/21/entertainment/jimmy-kimmel-live-might-be-ending-after-final-contract/
Foto: https://www.instagram.com/jimmykimmellive/