Qeveria e re e Labour-it ka pezulluar 1.3 miliardë paund financime të premtuara nga konservatorët për projekte teknologjike dhe Inteligjencë Artificiale (AI) sipas BBC.
Kjo përfshin 800 milionë paund për krijimin e një superkompjuteri exascale në Universitetin e Edinburgut dhe 500 milionë paund të tjera për Burimin e Kërkimeve për AI që financojnë fuqinë kompjuterike.
Të dy fondet ishin shpallur më pak se 12 muaj më parë. Departamenti për Shkencën, Inovacionin dhe Teknologjinë (DSIT) tha se paratë ishin premtuar nga administrata e mëparshme por nuk ishin ndarë kurrë në buxhetin e saj.
Trupi tregtar techUK është shprehur “Qeveria po merr vendime të vështira dhe të nevojshme për shpenzimet në të gjitha departamentet përballë miliarda paund angazhimesh të pafinancuara,”
“Kjo është thelbësore për të rikthyer stabilitetin ekonomik dhe për të arritur misionin tonë kombëtar për rritje.”
Gjithashtu shtuan se mbetet “plotësisht e angazhuar” për ndërtimin e infrastrukturës teknologjike në Britaninë e Madhe. Ata që janë prekur nga kjo ndryshim janë njoftuar nga Sekretari i Shtetit, Peter Kyle.
Megjithatë konservatorët thonë se nën udhëheqjen e tyre, DSIT ka shpenzuar më pak se buxheti.
“Angazhimi ynë në qeveri për shkencën, kërkimin dhe inovacionin përfshirë udhëheqjen e Britanisë së Madhe në AI ishte i jashtëzakonshëm.”
E ardhmja e superkompjuterit exascale në Edinburg është aktualisht e paqartë. Ka vetëm një numër të vogël të makinave kaq të fuqishme në botë me një version të mëparshëm në Bristol.
Financimi i ri u shpall në tetor të vitit të kaluar dhe Universiteti i Edinburgut kishte shpenzuar tashmë 31 milionë paund për ndërtimin e një strehimi për të. Ky projekt ishte konsideruar si prioritet nga qeveria e mëparshme.
Mënyra se si do të funksiononte makina, që do të ishte 50 herë më e shpejtë se çdo kompjuter aktual në Britaninë e Madhe u tha në atë kohë nga universiteti. “Exascale do të ndihmojë studiuesit të modelojnë të gjitha aspektet e botës, të testojnë teori shkencore dhe të përmirësojnë produktet dhe shërbimet në fusha si inteligjenca artificiale, zbulimi i ilaçeve, ndryshimi i klimës, astrofizika dhe inxhinieria e avancuar,” thuhet në faqen e internetit të tij.
Linku: https://www.bbc.com/news/articles/cyx5x44vnyeo
Burimi i fotos:pexels.com/