Jonida Vokshi pak orë më parë humbi të atin i cili prej kohësh vuante nga demenca. Prej ditësh i shtruar në spital babaii moderatores nuk arriti t’ia dilte.
S fundmi partneri i Jonidës, Besniku ka ardhur me një dedikim prekës në rrjete sociale. Krahas një kujtimi të bukur ku i ndjeri lunate në kitarë për mbesen e tij Besniku shkruajti:
Lamtumirë, Zotni!
Sot humbëm një njeri të veçantë, jo vetëm babain e Jonidës, por një mik dhe një shpirt të dashur. Ai më deshi si djalin e tij, gjithmonë i sjellshëm, me kujtime të mbushura me muzikë dhe tregime.
Emi, cika ime, u rrit me përrallat dhe ninullat e tij që nga lindja.
Demenca e mori ngadalë, por kurrë nuk mundi të shuajë dashurinë që ndante me ne. Për vite të tëra, Jonida, Vjollca dhe Dori u kujdesën për të me durim e përkushtim. E trajtuan me respekt dhe pa zemërim, duke i kthyer gjithë dashurinë që ai u kishte dhënë. Edhe pse demenca nuk është e lehtë për njerëzit përreth tij, ata zgjodhën dashurinë për ta ndihmuar me gjithë shpirtin e tyre.
Dashuria ndryshon gjithçka. Për dikë me demencë, është si një dritë në errësirë, ajo qëndron me ta kur asgjë tjetër nuk mbetet e qartë. Demenca merr shumë, por dashuria e kthyer mbrapsht u jep një ndjenjë qetësie, edhe kur ndihen të humbur. Ndonjëherë harrojmë sa e fuqishme është dashuria, por në momentet më të vështira, ajo është e vetmja gjë që i mban të sigurt.
Pusho në paqe, Jaja. Kujtimet e tua do të jetojnë gjithmonë me ne, dhe dashuria që ndave mbetet e përjetshme.
Për Jonidën, Vjollcën dhe Dorin: Bravo për gjithçka që keni bërë; ndihuni krenarë për dashurinë dhe përkushtimin e pakushtëzuar që i dhatë deri në fund. Të gjithë ata që kanë të dashur me demencë, mundohuni të ndiqni shembullin e Jonidës, Vjollcës dhe Dorit: ofroni dashuri dhe kujdes të pakushtëzuar, sepse kjo është forca që ndihmon ata të ndihen të sigurt dhe të dashur.
Pusho i qetë Zotni!
Linku: https://www.instagram.com/besnikkrapi/
Burimi i fotos: https://www.instagram.com/besnikkrapi/