Një situatë shumë e tensionuar është krijuar në shtëpinë e Big Brother VIP 5, ku Selin dhe Rogerti janë përfshirë në një debat të ashpër që ka përfunduar me banoren të përlotur dhe me ndërhyrjen e banorëve të tjerë.
Debati nisi kur Rogerti iu drejtua Selin me një koment provokues, duke i thënë se ajo kishte “rënë brenda me Mirin”. Ky koment duket se e ka irrituar menjëherë banoren, e cila reagoi ashpër ndaj tij.
Gjatë përplasjes, Rogerti vazhdoi me akuzat duke i kërkuar Selin të thoshte të vërtetën dhe duke pretenduar se ajo ishte ndikuar nga Miri dhe se nuk mund të qëndronte në shtëpi pa të.
“Pse e pe me ato sy, helmuese? Ke rënë brenda me Mirin?”, iu drejtua ai Selin.
Nga ana tjetër, Selin nuk i kurseu reagimet, duke i kthyer përgjigje me tone të ashpra.
“Sa i poshtër që je”, i tha ajo.
Situata u tensionua edhe më shumë në momentin kur Rogerti e preku Selin në këmbë gjatë debatit. Ky veprim e revoltoi menjëherë banoren, e cila reagoi duke i kërkuar disa herë që të mos e prekte.
“Mos më prek mua! Kuç andej. Mos më prek mua, idiot”, u dëgjua të thoshte Selin, e irrituar nga gjesti i tij.
Rogerti u përpoq ta qetësonte situatën duke i thënë të kishte kujdes dhe të qetësohej, por Selin vazhdoi të reagojë me nervozizëm.
“Po të them mos më prek mua, o ordiner. Po të them mos më prek”, iu drejtua ajo, duke e quajtur edhe “i pafytyrë”.
Në një moment, Rogerti u dëgjua duke thënë “Kujdes shapkën”, ndërsa Selin vazhdoi të insistonte që ai të mos e prekte. E prekur nga situata dhe nga tensioni i debatit, banorja më pas u largua nga vendi duke qarë.
Pas kësaj, disa nga banorët e tjerë ndërhynë për të qetësuar situatën. Gimbo reagoi i revoltuar ndaj Rogertit, duke i thënë: “A je budalla?”.
Edhe Nikol ndërhyri duke i kërkuar Rogertit që të mos e prekte më Selin me dorë. Megjithatë, Rogerti reagoi duke thënë se mund të prekte “shapkën sa herë të donte”, deklaratë që nuk u prit mirë nga banorët e tjerë.
Ngjarja ka shkaktuar reagime të shumta brenda shtëpisë dhe pritet të shihet nëse produksioni i Big Brother VIP do të marrë ndonjë masë për situatën. Madje, disa banorë përmendën edhe mundësinë e një “zarfi të zi”, që zakonisht jepet në raste të shkeljeve serioze të rregullave brenda shtëpisë.
Ndërkohë, momenti ka ndezur diskutime edhe në rrjetet sociale, ku fansat e spektaklit po komentojnë ashpër sjelljen e banorëve dhe mënyrën se si u zhvillua konflikti.
Burimi: https://www.instagram.com/bigbrotheralb_vip
Foto: https://www.instagram.com/bigbrotheralb_vip