Rikthimi tek një ish-partner shpesh shihet si një shans i dytë për dashurinë, por kërkimet tregojnë se kjo zgjedhje nuk është gjithmonë në favor të mirëqenies emocionale—sidomos për gratë.
Sipas një studimi nga studiuesit René Dailey, Amber Vennum dhe Kale Monk, marrëdhëniet e tipit “on-off” (ndarje dhe rikthim i vazhdueshëm) lidhen me nivele më të larta stresi dhe paqëndrueshmëri emocionale. Gratë që vendosin të mos rikthehen në këto cikle raportojnë një jetë më të qetë, më pak konflikte dhe një ndjenjë më të fortë kontrolli mbi vendimet e tyre personale.
Studimi tregon se problemet që çojnë në ndarje rrallëherë zhduken pas ribashkimit. Përkundrazi, tensionet dhe sjelljet negative shpesh rikthehen, madje në disa raste edhe më të theksuara. Kjo krijon një cikël emocional të lodhshëm, që ndikon drejtpërdrejt në shëndetin mendor dhe stabilitetin e përditshëm.
Në anën tjetër, gratë që zgjedhin të ecin përpara pa u kthyer pas përjetojnë më shumë qartësi emocionale dhe vetëbesim. Ato kanë më shumë hapësirë për të reflektuar, për t’u rikuperuar dhe për të ndërtuar një jetë më të balancuar, larg dramave të së kaluarës.
Ekspertët e krahasojnë këtë situatë me një plagë që nuk mbyllet kurrë plotësisht: çdo rikthim pa ndryshim real e hap sërish, duke e bërë shërimin më të vështirë. Për këtë arsye, ndonjëherë vendimi më i shëndetshëm nuk është të japësh një tjetër shans, por të vazhdosh përpara.
Burimi; https://www.psypost.org/new-research-links-on-again-off-again-relationships-to-increased-psychological-and-physical-symptoms
Foto; Freepik.com