Këngëtari i njohur Armir Shahini, i njohur si Miri, ka ndarë një moment të veçantë nga jeta e tij personale, duke treguar historinë e njohjes me bashkëshorten e tij me origjinë gjermane.
Gjatë një bisede me Rogert Sterkajn, ai rrëfeu me humor dhe sinqeritet se si nisi gjithçka, duke theksuar se takimi i parë ishte i thjeshtë, por shumë domethënës.
Sipas Mirin, njohja mes tyre nisi me një bisedë të zakonshme, por situata mori një kthesë interesante kur në skenë hyri nëna e tij. Ai tregoi se nëna e kishte pëlqyer menjëherë vajzën dhe nuk hezitoi ta shprehte këtë hapur.
“Dalim jashtë dhe del edhe nëna ime, e cila tha menjëherë që është shumë e mirë,” tregoi ai.
Momenti më i veçantë erdhi kur nëna e tij i dha një “këshillë” të drejtpërdrejtë: të mos e linte pa e puthur. Sipas Mirin, kjo ishte një situatë që u përjetua pa komplekse, duke reflektuar edhe ndryshimet kulturore.
“Më tha: nëse nuk e puthe, nuk ikën. Dhe kështu ndodhi,” rrëfeu ai me të qeshur.
Pas këtij takimi të parë, marrëdhënia mes tyre vazhdoi natyrshëm. Miri tregoi se ajo do të qëndronte edhe disa ditë përpara se të kthehej në Gjermani, gjë që i dha mundësi që ta njihte më mirë dhe të ndërtonte diçka më serioze.
Sot, historia e tyre është kthyer në një lidhje të qëndrueshme ndër vite. Çifti kanë krijuar një familje së bashku dhe janë prindër të një vajze, ndërsa bashkëshortja e tij vazhdon të jetojë mes Gjermanisë dhe Shqipërisë.
Rrëfimi i Mirin është pritur me interes nga publiku, duke sjellë një histori dashurie që nisi spontanisht dhe u forcua me kalimin e kohës.
Burimi: https://www.instagram.com/miri_westsidefamily
Foto: https://www.instagram.com/miri_westsidefamily