Një histori e dhimbshme dhe thellësisht personale ka dalë në pah brenda shtëpisë, ku Juela ka vendosur të ndajë për herë të parë një nga plagët më të mëdha të jetës së saj. Në një bisedë të sinqertë me Edisen, ajo ka rrëfyer momentin tronditës kur mori lajmin për vrasjen e ish-partnerit të saj, një ngjarje që i ndryshoi përgjithmonë jetën.
Mes emocionesh të forta, Juela kujtoi se gjithçka ndodhi në një periudhë tepër të vështirë, në fillimet e pandemisë globale të COVID-19, kur bota po përballej me panik, pasiguri dhe kufizime të forta udhëtimi. Në atë kohë, ajo ishte ende në kontakt të rregullt me ish-partnerin e saj dhe, siç tregoi, komunikimi i fundit mes tyre kishte ndodhur vetëm pak minuta para se të mësonte lajmin tragjik.
“E kisha folur me të vetëm 20 minuta para… ishte rrugës për në shtëpi,”, u shpreh ajo, duke rikthyer në kujtesë detajet që ende i duken të pabesueshme.
Sipas rrëfimit të saj, gjithçka nisi me një mesazh nga një e njohur në Angli, e cila i kërkoi të provonte ta telefononte. Në të njëjtën kohë, lajmi kishte filluar të qarkullonte në mediat shqiptare, duke raportuar për një ngjarje të rëndë ku një vëlla dhe motër ishin gjetur të vrarë në oborrin e shtëpisë së tyre.
Momentet që pasuan ishin kaotike dhe të mbushura me tronditje. Juela tregon se nuk arriti ta përpunonte menjëherë atë që po ndodhte.
“Më morën me video call dhe unë nuk kuptoja asgjë… mbaj mend vetëm që kam hedhur pjatat përtokë,”, rrëfeu ajo mes emocionesh.
Situata u bë edhe më e rëndë nga rrethanat e kohës. Ishte pikërisht nata kur aeroportet po mbylleshin për shkak të rasteve të para me COVID-19, duke e bërë të pamundur për të që të udhëtonte apo të ishte pranë familjarëve në ato momente të vështira.
“Ka qenë shumë e vështirë me ia pranu vetes që ai nuk jetonte më,” tha ajo, duke përshkruar dhimbjen dhe boshllëkun që la pas kjo humbje.
Rrëfimi i Juelës vjen si një dëshmi e fortë e traumës që lënë pas ngjarje të tilla tragjike, por edhe e forcës që kërkohet për të vazhduar përpara. Historia e saj preku jo pak banorët dhe publikun, duke rikujtuar se pas çdo figure publike fshihet një jetë e mbushur me sfida, dhimbje dhe përpjekje për të gjetur sërish ekuilibrin.
Burimi: https://www.instagram.com/bigbrotheralb_vip/?hl=en
Foto: Freepik.com