Kylie Jenner ka surprizuar fansat me një rrëfim të sinqertë dhe plot admirim për partnerin e saj, aktorin Timothée Chalamet, duke treguar sa shumë e vlerëson punën e tij në kinematografi.
Gjatë episodit të parë të podkastit “Big Bro with Kid Cudi”, ylli i njohur i reality show-t dhe sipërmarrësja foli hapur për filmat e Chalamet, duke theksuar se e ka të vështirë të zgjedhë vetëm një të preferuar.
“Është e vështirë për mua të zgjedh sepse i dua të gjitha,” u shpreh Kylie, ndërsa veçoi filmin “Call Me by Your Name” si një nga projektet më të veçanta. Ajo e cilësoi atë si “pothuajse perfekt”, duke vlerësuar maksimalisht interpretimin dhe ndjeshmërinë që përcjell filmi.
Gjithashtu, Jenner përmendi edhe suksesin e madh të “Dune”, një nga prodhimet më të rëndësishme ku Chalamet ka shkëlqyer në Hollywood, duke fituar vlerësime të shumta nga publiku dhe kritika.
Por momenti që mori më shumë vëmendje ishte rrëfimi i saj për filmin “Wonka”. Kylie zbuloi se e ka parë këtë film plot shtatë herë, duke treguar qartë mbështetjen e saj për partnerin.
“E kam parë shtatë herë,” tha ajo me entuziazëm, ndërsa moderatori Kid Cudi kujtoi se e kishin ndjekur së bashku. Kylie shtoi me humor se nuk kishte qenë fizikisht në shfaqjen e tij, por e mbante mend shumë mirë momentin e prezantimit, duke e përshkruar si një eksperiencë shumë argëtuese.
Ky rrëfim vjen si një tjetër dëshmi e raportit të afërt mes çiftit, teksa Kylie vazhdon të tregojë publikisht mbështetjen dhe admirimin për karrierën e suksesshme të Timothée Chalamet.
Burimi: https://www.instyle.com/kylie-jenner-has-watched-this-unexpected-timothee-chalamet-movie-7-times-11941045
Foto:https://www.instagram.com/kyliejenner/?hl=en