Pas muajsh të tërë aludimesh dhe lajmesh në mediat rozë, duket se Bora Zemani dhe Donald Veshaj janë më pranë se kurrë kurorëzimit të dashurisë së tyre. Çifti shumë i komentuar i showbiz-it shqiptar, sipas burimeve pranë tyre, po përgatitet për një ceremoni martesore që pritet të jetë një nga eventet më të bujshme të kësaj vere.
Burime të afërta me çiftin, të cituara nga “Prive by Liberta Spahiu”, bëjnë me dije se muaji korrik është zgjedhur për të zhvilluar ceremoninë, ndërsa organizimet kanë nisur prej kohësh në privatësi të plotë.
Edhe pse Bora Zemani ka preferuar shpesh të mos komentojë zërat për martesë, duke i cilësuar si thashetheme të zakonshme të showbiz-it, kësaj here raportimet duken më konkrete. Vetë Donaldi ka lënë të kuptohet se planet për martesën janë reale dhe tashmë po marrin formë.
Në një intervistë në emisionin “Më lër të flas”, aktori dhe moderatori foli hapur për organizimin e ceremonisë dhe planet për të ardhmen me Borën. Mes batutave dhe humorit me Romeo Veshajn, Donaldi tregoi se diskutimet për dasmën janë serioze, madje nuk mungojnë as “debatet” për listën e të ftuarve dhe detajet e eventit.
Sipas burimeve, ceremonia pritet të zhvillohet në jug të Shqipërisë, buzë detit, në një ambient privat dhe romantik, larg zhurmës së kryeqytetit. Në dasmë mendohet të marrin pjesë familjarë, miq të afërt dhe shumë personazhe të njohur të ekranit shqiptar.
Historia e dashurisë mes Bora Zemanit dhe Donald Veshajt ka qenë një nga më të komentuarat në publik, duke kaluar ulje-ngritje, ndarje dhe ribashkime që kanë mbajtur vazhdimisht vëmendjen e fansave. Tashmë, duket se çifti është gati të hedhë hapin më të rëndësishëm në marrëdhënien e tyre.
Burimi;https://www.instagram.com/borazemani/?hl=en
Foto;https://www.instagram.com/borazemani/?hl=en