Këngëtarja shqiptaro-amerikane Bebe Rexha po shijon disa ditë relaksi në Ibiza, ku është fotografuar nga paparacët teksa kalonte kohë në një jaht luksoz pranë brigjeve të ishullit spanjoll.
Artistja 36-vjeçare tërhoqi vëmendjen me një bikini me motive leopardi, ndërsa u pa duke notuar në ujërat e kristalta të Detit Mesdhe dhe duke bërë paddleboarding, në shoqërinë e miqve të saj.
Bebe u shfaq e buzëqeshur dhe e relaksuar, duke shfrytëzuar disa ditë pushimi larg angazhimeve intensive në muzikë, pas publikimit të albumit të saj më të ri, “Dirty Blonde”.
Pushimet e saj në të ashtuquajturin “Ishulli i Bardhë” vijnë menjëherë pas paraqitjes speciale në spektaklin britanik Love Island, ku performoi një koncert ekskluziv për banorët e vilës në Majorka.
Përveç performancës muzikore, Bebe tërhoqi vëmendjen edhe me sensin e saj të humorit. Para se të ngjitej në skenë, ajo iu drejtua me shaka njërit prej konkurrentëve më të komentuar të spektaklit, Simba, duke e quajtur një “djalë të keq” dhe duke i dhënë një këshillë miqësore për sjelljen e tij.
E veshur me një fustan me motive kafshësh gjatë performancës, këngëtarja u prit me entuziazëm nga banorët e vilës dhe publiku, ndërsa vazhdon të jetë në qendër të vëmendjes, si për projektet muzikore ashtu edhe për paraqitjet e saj publike.
Burimi; https://www.instagram.com/beberexha/
Foto; https://www.instagram.com/beberexha/