Ish-banorja e edicionit të parë të Big Brother VIP Kosova, Juliana Nura (Xhuli), ka publikuar episodin e parë të dokumentarit të saj personal me titull “Eagle Queen”, ku sjell për herë të parë detaje intime nga rrugëtimi drejt mëmësisë.
Dokumentari ndjek emocionet dhe sfidat që ajo ka përjetuar gjatë procesit të fertilizimit IVF, si edhe pritjen e ëmbël të binjakëve.
Në episodin e parë, Xhuli rrëfen se dëshira për t’u bërë nënë e ka shoqëruar që në fëmijëri. Ajo ndan me publikun momentin kur mësoi se ishte shtatzënë, ndërsa kamerat kanë fiksuar çastin kur mban në duar testin pozitiv të shtatzënisë.
Një nga skenat më prekëse është vizita e saj e parë te mjeku, ku dëgjoi për herë të parë rrahjet e zemrës së binjakëve. Emocionet e forta dhe reagimi i saj i sinqertë e bëjnë këtë një nga momentet më të veçanta të dokumentarit.
Po ashtu, Juliana ka zbuluar edhe një moment shumë personal, kur i tregoi nënës së saj lajmin për shtatzëninë. Reagimi plot emocion i saj pasqyron gëzimin dhe mbështetjen e madhe që familja i ka dhënë në këtë etapë të re të jetës.
Me “Eagle Queen”, Xhuli ka zgjedhur të ndajë me publikun një rrëfim të sinqertë dhe të ndjerë, duke dokumentuar hap pas hapi rrugëtimin e saj drejt realizimit të ëndrrës për t’u bërë nënë.
Burimi;https://www.instagram.com/iamjuliananura/
Foto;https://www.instagram.com/iamjuliananura/