Lei Kraja ka zbuluar një detaj të rëndësishëm nga jeta sentimentale, duke pranuar publikisht se i ka dhënë fund marrëdhënies me partnerin. Moderatorja e bëri konfirmimin gjatë episodit të ri të emisionit “Pushime on Top”, ku nuk munguan rrëfimet personale dhe momentet e sinqerta.
E njohur për natyrën e saj të çiltër, por njëkohësisht të rezervuar kur bëhet fjalë për jetën private, Lei këtë herë zgjodhi të fliste hapur për ndryshimin në jetën e saj sentimentale. Ajo konfirmoi ndarjen, por nuk dha shumë hollësi rreth arsyeve që çuan në përfundimin e marrëdhënies.
Deklarata e moderatores pritet të tërheqë vëmendjen e publikut, pasi Lei ka preferuar gjithmonë që historitë personale t’i mbajë larg vëmendjes mediatike. Megjithëse nuk zbuloi nëse ndarja ka ndodhur së fundmi apo prej një kohe më të gjatë, ajo la të kuptohej se tashmë po vazhdon përpara, duke u përqendruar te vetja dhe angazhimet profesionale.
Në episodin e ri të “Pushime on Top”, publiku do të ketë mundësinë të ndjekë edhe një intervistë të veçantë me Rozana Radin. Këngëtarja dhe autorja e njohur do të vijë me një rrëfim të rrallë dhe të sinqertë për jetën, karrierën, sfidat dhe përvojat që e kanë formuar ndër vite.
Rozana pritet të flasë pa dorashka për disa prej momenteve më të rëndësishme të rrugëtimit të saj personal dhe profesional, duke zbuluar një anë më emocionale, përtej figurës së fortë që publiku është mësuar të shohë.
Ky episod nuk do të përqendrohet vetëm te rrëfimet e personazheve të njohura. Udhëtimi nis nga jugu i vendit, në Green Coast dhe hotelin me pesë yje “MGallery”, për të vazhduar më pas drejt Shkodrës dhe Korçës.
Krahas pamjeve nga disa prej destinacioneve më të bukura të Shqipërisë, emisioni do të sjellë sugjerime për pushimet verore, eksperienca turistike, tradita, kulturë dhe takime me personazhe të ndryshme.
Mes rrëfimit të Rozana Radit dhe konfirmimit të papritur të Lei Krajës për ndarjen, episodi i ri i “Pushime on Top” premton të sjellë emocione, surpriza dhe detaje të pathëna më parë.