Efi Dhedhes ka folur hapur për jetën e saj private dhe planet profesionale, duke treguar se aktualisht nuk është në një lidhje dashurie.

Gjatë një interviste në emisionin “Pushime On Top”, ish-banorja e “Big Brother VIP Albania” deklaroi se nuk është e interesuar për njohje të reja, pasi dëshiron t’ia kushtojë të gjithë vëmendjen karrierës.

Efi u shpreh se nuk beson te njohjet që nisin përmes Instagramit apo mesazheve në rrjetet sociale. Sipas saj, është e vështirë që një person t’i përkushtohet njëkohësisht dhe në mënyrë të plotë jetës sentimentale dhe asaj profesionale.

“Tani e kam prerë, nuk dua! Duhet të fokusohem te puna, te karriera dhe më pas te gjërat e tjera. Për mendimin tim, asnjë njeri nuk mund t’i bëjë të dyja. Ose do të japë 50 për qind andej dhe 50 për qind këtej, por nuk do të jetë kurrë 100 për qind në asnjërën”, deklaroi ajo.

Në atë periudhë, Efi paralajmëroi gjithashtu rikthimin e saj në ekran me një rubrikë të posaçme për tatuazhet në programin “E Diell”, në Top Channel. Deklaratat treguan se prioriteti i saj ishte ndërtimi i karrierës, ndërsa dashurinë kishte vendosur ta linte për një moment të dytë.