“Ferma VIP” duket se po sjell jo vetëm lojë dhe strategji, por edhe emocione të forta. Së fundmi, një afrimitet i dukshëm mes dy fermerëve, Indrit dhe Vanesës, ka tërhequr vëmendjen e banorëve dhe publikut, duke ngritur pikëpyetje mbi një romancë të mundshme.
Mes tyre janë vënë re momente të afërta dhe një kimi që nuk ka kaluar pa u komentuar. Edhe vetë Vanesa e ka pranuar se ndjen një lidhje të veçantë me Indrin, ndonëse situata për të mbetet e ndërlikuar, pasi jashtë fermës ka një lidhje.
Ajo është shprehur se po përpiqet të ruajë një balancë emocionale, duke mos dashur të lëndojë askënd. Sipas saj, afrimiteti me Indrin është real, por ajo mbetet e vetëdijshme për përgjegjësitë që ka jashtë formatit.
E pyetur nga Arbana Osmani nëse ndjenjat ndikojnë në sjelljen e saj, sidomos në momentet kur ka tensione me Indrin, Vanesa pranoi se kjo ndodh pjesërisht. Ajo gjithashtu nuk e mbështeti vendimin e tij për të mbajtur distancë, duke theksuar se ai është një nga personat më të rëndësishëm për të brenda fermës dhe se marrëdhënia e tyre aktualisht mbetet në kuadrin e miqësisë.
Një moment që tërhoqi vëmendje ishte përgjigjja e saj e shkurtër kur u pyet se çfarë do t’i thoshte partnerit të saj jashtë: “Më fal”, u shpreh ajo, duke lënë të kuptohet për një konflikt të brendshëm emocional.
Nga ana tjetër, Indri nuk e ka fshehur pëlqimin për Vanesën. Ai e ka vlerësuar publikisht, duke e cilësuar si një vajzë të bukur, të talentuar dhe me vlera, ndërsa shtoi se mes tyre ekziston një kimi e natyrshme.
Sipas tij, afrimiteti ka lindur spontanisht, pavarësisht presionit dhe sfidave që sjell qëndrimi në fermë.
Tashmë mbetet për t’u parë nëse kjo marrëdhënie do të mbetet një miqësi e fortë apo do të zhvillohet në diçka më shumë, ndërsa “Ferma VIP” vazhdon të surprizojë me dinamika gjithnjë e më interesante.
Burimi: https://www.instagram.com/p/DW8kZ2XinJp/?hl=en&img_index=1
Foto:https://www.instagram.com/p/DW8kZ2XinJp/?hl=en&img_index=1