Festimet, të cilat zgjatën për tre ditë, u zhvilluan në ambientet luksoze të Villa Valguarnera pranë Palermos, ku morën pjesë familjarë, miq të afërt dhe personalitete të njohura nga bota e artit dhe showbiz-it.
Mes shumë surprizave dhe momenteve emocionuese që shoqëruan ceremoninë, një nga më të veçantat erdhi nga komuniteti arbëresh i Siçilisë. Përfaqësues nga Piana degli Albanesi, një nga qendrat më të njohura të arbëreshëve në Itali, udhëtuan drejt vendit ku po mbahej dasma për t’i dhuruar artistes një kujtim të paharrueshëm.
Sipas raportimeve, një grup prej dhjetë vajzash të veshura me kostumet tradicionale arbëreshe performuan këngë të lashta të trashëgimisë shqiptare, duke sjellë në festë tingujt dhe kulturën që arbëreshët kanë ruajtur me përkushtim prej shekujsh në Siçili.
Ky gjest u konsiderua si një homazh i veçantë ndaj origjinës shqiptare të Dua Lipës dhe një simbol i lidhjes së fortë mes komunitetit arbëresh dhe identitetit shqiptar. Performanca tradicionale i shtoi dasmës një dimension kulturor dhe emocional, duke e bërë ceremoninë edhe më të veçantë për çiftin dhe të ftuarit.
Dhurata e komunitetit arbëresh u vlerësua si një nga momentet më domethënëse të festimeve, duke dëshmuar edhe një herë se kultura dhe traditat shqiptare vazhdojnë të jetojnë e të promovohen përtej kufijve të Shqipërisë dhe Kosovës.
Burimi;https://www.instagram.com/dualipa/
Foto;https://www.instagram.com/dualipa/