Amal Clooney ka rrëfyer se jeta e saj profesionale dhe personale ka pësuar ndryshime të mëdha që prej martesës me aktorin George Clooney.
Avokatja e njohur për të drejtat e njeriut, e cila u martua me George Clooney në vitin 2014, tha se dikur arrinte ta mbante të ndarë jetën private nga karriera e saj, por kjo ndryshoi pas martesës dhe rritjes së profilit publik. Dy vite më vonë, çifti themeloi Fondacionin Clooney për Drejtësi.
Pavarësisht angazhimit të vazhdueshëm në çështje të rëndësishme ligjore, Amal pranoi se balancimi i jetës u bë edhe më sfidues pasi ajo dhe George u bënë prindër të binjakëve Alexander dhe Ella në vitin 2017.
Duke folur në eventin Cartier Dialogue në Bangkok më 9 qershor, Amal tha se më parë mund ta ndante qartë punën nga jeta personale.
“Dikur kisha një jetë pune dhe një jetë personale që mund t’i mbaja plotësisht të ndara. Por kur u martova, kjo ndryshoi ndjeshëm. Në fillim u ndjeva e mbingarkuar nga perceptimi publik dhe mendoja: ‘Nuk mund ta imagjinoj veten me këtë fustan ose duke bërë këtë, sepse të hënën duhet të jem në gjykatë’”, u shpreh ajo.
Sipas Amal Clooney, me kalimin e kohës ajo mësoi të pranonte vëmendjen publike pa lejuar që ajo të ndikonte në përkushtimin ndaj profesionit të saj si avokate për të drejtat e njeriut.
Burimi; https://www.instagram.com/amal__clooney
Foto:https://www.instagram.com/amal__clooney