Vendimi është marrë pasi ai ka arritur marrëveshje me Prokurorinë për pranimin e fajësisë, në kuadër të çështjes gjyqësore që lidhet me konfliktin e tij me Erkand Shabanin, pronarin e kompanisë muzikore “Onima”.
Gjesti është paraqitur sot në gjykatë, ku mbrojtja e tij ka kërkuar që çështja të mbyllet përmes një marrëveshjeje për pranimin e fajësisë. Edhe pse kërkesa është kundërshtuar fillimisht nga pala e dëmtuar, ajo është pranuar më pas nga Gjykata.
Këngëtari ishte arrestuar më 11 mars, nën dyshimin për tri vepra penale: armëmbajtje pa leje, kanosje dhe asgjësim apo dëmtim të pasurisë.
Ngjarja mori vëmendje të madhe publike pasi, disa muaj më parë, në media u publikuan pamje që tregonin momentin kur Gjesti kishte hyrë në ambientet e shtëpisë muzikore “Onima”.