Ndërpreu koncertin e Alban Skënderajt, për të propozuar të dashurën. Njihuni me çiftin simpatik

Para 2000 spektatorëve, një djalë do të ngjitej në skenë, do të ulej në gjunjë për t’i bërë një propozim jashtëzakonisht  romantik dhe të bujshëm të dashurës së tij. Video u shpernda menjëherë nëpër portale dhe u bë shumë e famshme.

2 Marsi, koncertin recital i këngëtarit Alban Skënderaj “Hapësira e një ëndrre” ka qenë hapsira e ëndrrës së tyre.

Pikërisht ky çift ishte sot në studion e “Rudina” në Tv Klan. Pedagogu Zenel Bajrami dhe Ada Kaloçi, redaktore gjuhësore rrëfyen emocionet e propozimit para mijëra spektatorëve dhe historinë e tyre të dashurisë.

Ka qenë këngëtari Alban Skënderaj i cili ka ftuar në skenë fillimisht Bajramin dhe më pas Kaloçin me pretekstin se është shpallur fituese e një shorteu dhe aty të dy kanë përjetuar emocione të forta.

“Të gjithë janë surprizuar, madje dhe unë vetë jam surprizuar nga gjithë angazhimi që mora. Ishte krejt e papritur. Arsyeja kryesore ishte se Alban Skënderaj ishte këngëtari i preferuar i Adës dhe i imi. Dhe unë thashë pse jo? Ti bëj një propozim aty ku Ada nuk e pret…” pohoi Zeneli.

Për më tej mos humbisni videon shumë emocionuese:

Link: https://youtu.be/cm7RTgfuhKA?t=193

Burimi i fotos kryesore: ©Tv Klan