Aulona Musta bëhet pishman për deklaratat e dashurisë ndaj të shoqit:”Ishte gënjeshtër, nuk ndjej…”

E njohur për natyrën e saj pa komplekse, moderatorja Aulona Musta ndan shumë nga aktiviteti i saj i përditshëm me ndjekësit e shumtë në rrjetet sociale.

Së fundmi moderatorja bëri shumë postime dhe foto me bashkëshortin e saj, foto që i përkisnin disa viteve më parë, por që Aulona me shumë qejf i ndau me ndjekësit e saj.

Por diçka ndodhi një ditë më pas, pasi në një status të gjatë në Instagram, Aulona shprehet se çdo gjë që kishte thënë dhe postuar dje me bashkëshortin ishin një gënjeshtër.

“E di që do t’ju zhgënjej dhe mbase shumë prej jush do largoheni nga unë, por ato që bëra dje për bashkëshortin tim ishin të gjitha një gënjeshtër. Sytë e mi nuk do të mund ta shohin dot kurrë atë ashtu siç shohin atë me të cilin do t’ju prezantoj tani. Duart e mia nuk do ta ndjejnë asnjëherë drithërimin e vërtetë me të, jo ashtu siç e ndjejnë me atë tjerin”- shkruan ndër të tjera Aulona.

E teksa të gjithë menduan se moderatorja e kishte seriozisht këtë status, mjafton të shikoje foton tjetër që pasonte për të kuptuar se gjithçka ishte vetëm një shaka.

Moderatorja me anë të një postimi dhe disa fotove të tjera përgënjeshtron me humor ato ç’ka theksoheshin më parë, duke spjeguar se fjalën e kishte te ushqimi e jo tek dikush në veçanti.