Modelja Aurela Hoxha ndodhet aktualisht e izoluar në Barcelonë prej gati një jave.
Në një lidhje direkte me Skype në emisionin “Rudina” në “TvKlan”, Aurela ka rrëfyer një moment të frikshëm kur ishte në Milano.
Ajo tha se ishte në Milano kur filloi e gjithë kjo dhe frika më e madhe ishte kur dëgjuan rastet e para, madje ajo dhe miqtë e saj ishin në një sfilatë në Milano dhe u frikësuan jo pak nga shpërthimi i këtij virusi.
Më pas modelja shkoi në Barcelonë ku ndodhej familja e saj për të festuar ditëlindjen dhe që prej fundit të shkurtit ndodhet aty, ndërsa prej një jave është e izoluar në shtëpi.
Aurela thotë se situata në Spanjë është përkeqësuar së fundmi dhe se deri para një jave jeta vijonte normalisht.
Link: https://www.youtube.com/watch?v=3iFaqRNWscs&feature=emb_err_watch_on_yt
Burimi i fotos: https://www.instagram.com/p/B4is-08HSu0/