Grupi i djemve nga Korea e Jugut “BTS” kanë rezultuar më të suksesshmit në YouTube duke thyer rekord me këngën e fundit.
Djemtë kanë arritur të kapin 100 milion klikime brenda 24 orëve me këngën e tyre të fundit e cila tashmë konsiderohet si kënga më e suksesshme në YouTube deri tani.
7 djemtë e grupit janë bërë një fenomen në Azi dhe me gjerë, ndërsa kënga e tyre “Dynamite” e publikuar në 21 gusht ka vendosur një rekord të ri në YouTube.
Një zëdhënës i YouTube tha për “Forbes”, se kënga theu rekordin e vendosur më parë nga një grup vajzash po nga Korea e Jugut të cilat në korrik të këtij viti arritën të merrnin brenda 24 orëve 86,3 milion klikime.
Ndërkaq grupi i djemve që kanë arritur të grumbullojnë shumë fansa në të gjithë botën e kanë thyer edhe më herët rekordin e Youtube.
Në 2019 një këngë e tyre arriti 74,6 milion klikime në 24 orë, duke u bërë kënga më e klikuar brenda një dite në atë vit.
Burimi i fotos: https://unsplash.com/photos/8LfE0Lywyak