Rekord infektimesh, shënohet numri më i lartë që prej fillimit të pandemisë

1007 raste të reja me COVID-19, janë rregjistruar gjatë 24 orëve të fundit duke shënuar numrin më të lartë të rasteve që prej fillimit të pandemisë në mars të vitit të kaluar.

Ministria e Shëndetësisë njofton gjithashtu se fatkeqësisht kanë ndërruar jetë 6 persona midis moshës 49 dhe 92 vjeç.

Aktualisht është rritur edhe numri i të shtruarve në spitale krahasuar me disa ditë më parë.

Konkretisht në të katërta spitalet në vend ndodhen aktualisht 404 të shtruar, 21 prej të cilëve në terapi intensive dhe 6 të intubuar.

Sipas të dhënave të Ministrisë gjatë 24 orëve të fundit janë shëruar në total 581 persona.

Link: https://new.shendetesia.gov.al/covid19-ministria-e-shendetesise-3849-testime-581-te-sheruar-1007-raste-te-reja-dhe-6-humbje-jete-ne-24-oret-e-fundit/

Burimi i fotos: https://unsplash.com/photos/moHiHqdmUYY