Disa këshilla për të rregulluar rutinën tuaj për një gjumë sa më të shëndetshëm

Në ditët e sotme gjumi i natës është kthyer në një opsion zgjedhje për ne. Rëndësia e tij po humbet duke qënë se po rendim gjithmon e më shumë drejt prioriteteve të tjera si puna, shkolla, koha sociale apo argëtimi.

Megjithatë, gjumi nuk duhet të jetë një luks. Ai është po aq i rëndësishëm për shëndetin tuaj fizik dhe mendor sa ushqimi dhe uji. Nuk duhet të harroni se gjumi  ndihmon për :

Rigjenerimin e energjive të trupit tuaj

Riparimi e indeve të muskujve

Ndihmon trurin të përpunojë informacione të reja

Mungesa e gjumit apo çrregullimi i orareve të tij mund të shkaktojë një sërë problemesh mendore dhe fizike, duke përfshirë dëmtime të disa aftësive si; të menduarit qartë, përqendimi, kontrolli i emocioneve dhe reagimeve etj.

Mungesa kronike e gjumit ka rezultuar se rrit rrezikun për sëmundje serioze shëndetësore si diabeti, sëmundjet kardiovaskulare, obeziteti dhe depresioni. Gjithashtu mund  të ndikojë në sistemin tuaj imunitar, duke zvogëluar aftësitë e trupit tuaj për të luftuar infeksionet dhe sëmundjet.

Për sa orë gjumë keni nevojë në ditë?

Kohëzgjatja e gjumit ndryshon sipas nevojave për gjumë në varësi të moshës. Fondacioni Kombëtar i Gjumit rekomandon disa orare për secilën kategori moshore:

Për foshnjat rekomandohet 14 deri në 17 orë në gjumë.

Për fëmijët nga mosha 3 deri në 5, rekomandohet 10 deri në 13 orë gjumë në ditë.

Grupmosha nga 6-13 vjeç, 9 deri në 11 orë gjumë në ditë.

Grupmosha nga 14-17 vjeç, 8 deri në 10 orë gjumë në ditë.

Grupmoshën nga 18-64 vjeç, 7 deri në 9 orë gjumë në ditë.

Për grupmoshën nga 65 vjeç e sipër rekomandohet 7 deri në 8 orë gjumë në ditë.

Përvojat me gjumin mund të jenë edhe gjenetike, por e rëndësishme është që të keni një rutinë të rregullt të gjumit që do t’iu ndihmojë që të keni një gjumë të rehatshëm dhe të shëndetshëm. Mos i merrni kohë  gjumit për t’u marr me gjëra të tjera pasi mund të keni çrregullime të shumta të tij.

Çrregullimet e gjumit janë gjendje që ju pengojnë të flini mirë. Ato mund të shkaktojnë probleme të shumta tek ju të tilla si; përgjumje të tepruar përgjatë ditës, gërhitje, pagjumësi, dhimbje koke, gojë e thatë, humor të keq etj.

Më poshtë do të listojmë disa këshilla për të rregulluar rutinën e gjumit tuaj duke bërë një gjumë sa më të shëndetshëm.

Vendosni një rutinë gjumi dhe respektojeni atë.

Të kesh një orar të rregullt të gjumit dhe t’i përmbahesh atij, mund ta trajnojë trupin tuaj për të fjetur më mirë.

Largoni kafshët tuaja shtëpiake nga dhoma juaj e gjumit.

Ju mund të dëshironi të flini me kafshët tuaja shtëpiake, por studimet tregojnë se ata që flenë me to, kanë shumë ndërprerje të gjumit dhe nuk bëjnë një gjumë cilësor.

Hiqni dorë nga kafeina.

Edhe nëse e pini atë vetëm gjatë ditës, stimuluesi mund t’iu pengojë të mbyllni sytë gjatë natës. Mos konsumoni ushqime ose pije që përmbajnë kafeinë përgjatë pasdites. Ku përfshihen të gjitha llojet e kafes, çajërat, çokollatat dhe pijet energjike.

Lëre telefonin

Përpiquni të hiqni çdo pajisje elektronike të paktën një orë para gjumit. Ekranet e ndritshme mund të stimulojnë trurin tuaj të vazhdojë të qëndrojë zgjuar gjë që mund ta bëjë gjumin më të vështirë.

Link: https://www.healthline.com/health/healthy-sleep#sleep-apnea

Burimi i fotos: pexels.com