Tensionet brenda shtëpisë së Big Brother duket se po thellohen, këtë herë mes Selin dhe kunatës së saj, Gretës. Marrëdhënia e Selin me Gimbon ka sjellë përçarje të dukshme mes dy banoreve, me akuza të drejtpërdrejta dhe replika të forta.
Selin u shpreh se prej tre ditësh Greta nuk ka pasur asnjë komunikim me të, duke theksuar se kjo sjellje është kontradiktore. Sipas saj, gjatë javës Greta tregohet ndryshe, ndërsa në prime mban një qëndrim tjetër. Ajo përmendi edhe një moment kur Luizi e pyeti për lidhjen e saj të fundit, duke lënë të kuptohet se Greta reagoi me një nënqeshje, gjë që Selin e interpretoi si tentativë për ta nxjerrë atë në një dritë të keqe apo për t’u distancuar nga loja e saj.
Selin ngriti gjithashtu pretendimin se Greta ka bërë një koment të papërshtatshëm në lidhje me pamjen e saj, duke përmendur qerpikët dhe buzët “fallso”, diçka që ajo e cilësoi si “skemë të shëmtuar”.
Nga ana tjetër, Greta e mohoi kategorikisht akuzën për komentin, duke u shprehur se fjalët e saj janë shtrembëruar. Ajo deklaroi se pas çdo prime, Gimbo shfaqet i zhgënjyer dhe ankohet për Selinën, duke lënë të kuptohet se situata është më komplekse sesa duket. Në fund, Greta theksoi se nuk dëshiron më të ketë lojë me Selinën, duke e mbyllur diskutimin me frazën: “Mbyllet këtu e gjithçka.”
Në debat ndërhyri edhe Luizi, i cili vlerësoi inteligjencën e Gretës, por sugjeroi se ajo po qëndron në hije, duke u identifikuar kryesisht si “kunata e saj”. Ai shtoi se pyetjet e tij për lidhjen e fundit të Selinës kishin për qëllim të testonin nëse ajo situatë ndikon në mënyrën si ajo luan dhe menaxhon marrëdhëniet brenda shtëpisë.
Përplasja mes tyre duket se ka hapur një kapitull të ri tensioni, ndërsa publiku mbetet në pritje për të parë nëse kjo marrëdhënie do të gjejë sërish një pikë takimi apo do të thellojë ndarjen mes dy banoreve.
Burimi: https://www.instagram.com/bigbrotheralb_vip/?hl=en
Foto: https://www.instagram.com/bigbrotheralb_vip/?hl=en