Psikologët zbulojnë “sekretin” për t’i ndalur gënjeshtarët: Mjafton një teknikë e thjeshtë që i vë përballë ndërgjegjes

Një artikull i publikuar nga Psychology Today ka zbuluar një mënyrë surprizuese për të përballuar njerëzit që gënjejnë shpesh, duke i “ndalur në vend” pa pasur nevojë për përplasje apo debate të forta.

Sipas psikologëve, çelësi nuk qëndron tek akuzat direkte, por tek aktivizimi i ndërgjegjes së vetë gënjeshtarit. Studimet tregojnë se shumica e njerëzve nuk janë plotësisht pa ndjenja kur gënjejnë, por përpiqen të justifikojnë sjelljen e tyre për të ruajtur imazhin moral që kanë për veten.

Pikërisht këtu hyn në lojë teknika që ekspertët e konsiderojnë më efektive
t’i bësh gënjeshtarët të mendojnë për pasojat reale të gënjeshtrës së tyre tek të tjerët.

Kur një person e percepton gënjeshtrën si diçka që nuk dëmton askënd, ai e ka shumë më të lehtë ta vazhdojë atë. Por në momentin që i kujtohet se veprimet e tij mund të dëmtojnë njerëz të vërtetë kolegë, familjarë apo edhe persona të panjohur – ndjenja e fajit rritet dhe gjasat për të thënë të vërtetën shtohen ndjeshëm.

Ekspertët e quajnë këtë proces “rikthim i imazhit moral”, ku individi përpiqet të përputhë sjelljen e tij me vlerat që pretendon se ka. Në këtë mënyrë, ai vendoset përballë një dileme: të vazhdojë gënjeshtrën apo të mbrojë ndershmërinë e vet.

Një tjetër element i rëndësishëm është mënyra se si perceptohet “viktima” e gënjeshtrës. Nëse gënjeshtari e sheh palën tjetër si të paidentifikueshme apo “të pasur e të fortë”, ai justifikohet më lehtë. Por nëse i kujtohet se bëhet fjalë për njerëz realë që mund të dëmtohen, ai ka më shumë gjasa të ndalet.

Psikologët theksojnë se kjo qasje funksionon më mirë sesa përballjet agresive, pasi nuk krijon rezistencë, por e shtyn personin të reflektojë vetë.
ë gënjeshtar, mënyra më efektive mund të jetë shumë më e thjeshtë:

Foto: Freepik.cojm
Burimi: https://www.psychologytoday.com/us/blog/fulfillment-at-any-age/2