“Mos i ngarko të tjerët me frustrimet e tua”, familja e Juelës reagon ndaj deklaratës së Selin

Tensionet e krijuara në shtëpinë e “Big Brother VIP Albania” duket se nuk kanë mbetur vetëm brenda mureve të spektaklit, pasi së fundmi reagimet kanë ardhur edhe nga jashtë. Pas një deklarate të fortë të bërë nga Selin gjatë debatit me Juelën, ka reaguar edhe familja e kësaj të fundit.

Gjatë një momenti përplasjeje në shtëpi, Selin u shpreh se Juela mund të mos kishte më respektin as të familjes së saj për mënyrën si po sillej në lojë. Kjo deklaratë duket se ka shkaktuar reagim të menjëhershëm nga familjarët e Juelës, të cilët kanë publikuar një mesazh në rrjetet sociale. 

Në reagimin e tyre, familja thekson se Juela ka pasur gjithmonë mbështetjen e tyre, duke nënvizuar se janë një familje punëtore dhe e respektuar. Ata i janë drejtuar Selin me një mesazh të drejtpërdrejtë, duke i kërkuar që të mos projektojë frustrimet personale tek të tjerët.

Sipas tyre, familja është një vlerë që nuk ka nevojë të provohet apo të kërkohet nga të tjerët, pasi respekti dhe dashuria janë të rrënjosura natyrshëm në një familje të shëndoshë.
“Juela ka një familje që i ka qëndruar gjithmonë pranë në të mirë dhe në të keq. Është më mirë që frustrimet personale të mos ia ngarkosh dikujt tjetër,” thuhet në mesazhin e publikuar nga familjarët e saj. 

Reagimi i tyre ka ndezur edhe më shumë diskutimet në rrjet, ndërsa pritet të shihet nëse Selin do të zgjedhë t’i përgjigjet këtij mesazhi apo nëse situata do të sqarohet në spektaklin e radhës të reality show-t.

Burimi: https://www.instagram.com/p/DVUKSDlDQ-m

Foto:https://www.instagram.com/p/DVUKSDlDQ-m