Ish-finalistja e “Big Brother VIP Kosova”, Elijona, është rikthyer pranë ndjekësve të saj pas një mungese rreth njëmujore nga rrjetet sociale, duke ndarë një mesazh emocional që ka prekur publikun.
Përmes një postimi në Instagram, ajo ka zbuluar se arsyeja e tërheqjes së saj ka qenë një humbje e madhe familjare – ndarja nga jeta e xhaxhait të saj, një ngjarje që e ka prekur thellë emocionalisht.
Elijona ka treguar se kjo periudhë ka qenë e vështirë për të, ndaj ka zgjedhur të qëndrojë larg vëmendjes publike për t’i kushtuar kohë vetes dhe familjes.
“Këtë muaj e kam marrë për veti edhe për familjen tem, me u qetësu pak, me shëru zemrën edhe me e gjet prap veten,” është shprehur ajo.
Ajo gjithashtu ka falënderuar ndjekësit për mbështetjen dhe mesazhet e shumta që ka marrë gjatë kësaj kohe, duke theksuar se kjo dashuri e ka ndihmuar ta përballojë më lehtë dhimbjen.
Në fund të mesazhit të saj, Elijona ka dhënë edhe një mesazh motivues, duke rikonfirmuar dëshirën për të frymëzuar vajzat e reja që të mos dorëzohen përballë sfidave.
“Tash jam prap këtu, ma e qetë, ma e fortë edhe ma aktive se kurrë,” përfundon ajo.
Rikthimi i saj është pritur pozitivisht nga ndjekësit, të cilët kanë reaguar me komente mbështetëse, ndërsa Elijona duket e vendosur për të vijuar përpara më e fortë pas kësaj periudhe të vështirë.
Burimi:
Foto;