Një fotografi e Elvana Gjatës me biznesmenin shqiptar Elson Bajrakurtaj ka rikthyer vëmendjen te raporti mes tyre, pas zërave që prej kohësh i lidhin romantikisht.

Bajrakurtaj ka publikuar në InstaStory një imazh ku shfaqet përkrah këngëtares në O2 Arena të Londrës.

Biznesmeni, i cili jeton në kryeqytetin britanik dhe ushtron aktivitet në sektorin e ndërtimit, është përfolur për një lidhje me artistën që prej vitit 2024. Ai ka qenë gjithashtu pjesë e filmit “2 Gisht Mjaltë 2”, ku Elvana luante përkrah Ermal Mamaqit.

Megjithatë, as Elvana dhe as Elsoni nuk kanë konfirmuar publikisht një marrëdhënie romantike. Fotografia dëshmon praninë e tyre së bashku, ndërsa natyra e raportit mes tyre mbetet e paqartë.