Porosia e Julian Dedës për Kombëtaren tonë

Pak ditë na ndajnë nga fillimi i Kampionatit Europian të futbollit e mbi të gjitha, nga ndeshja jonë e parë në Euro 2016. Tashmë të gjithë kanë filluar jo vetëm përgatitjet me blerjet e bluzave, flamujve, e simboleve të tjera, por edhe me urimet për Kombëtaren dhe djemtë tanë.

Jul Deda ka zgjedhur që përmes urimit që i bën Kombëtares t`i japë atyre edhe një porosi, e cila në fakt është simbolike për “djemtë e shqiponjës”. “Të gjithë ata që flasin shqip dhe ndihen shqiptar i kanë sytë, mendjen dhe zemrën te ju. Ju duhet të na bëni vetëm një nder të vogël, të dilni në fushë me kokën lart.” Këto janë fjalët që ka shkruar Juli dedikuar djemve tanë.