Paris Jackson rrëfen betejën me varësinë dhe arsyen pse i dha fund fejesës: Ishte një zgjedhje që duhej ta bëja

Paris Jackson ka folur hapur për fëmijërinë nën vëmendjen e gjithë botës, betejën me varësinë dhe marrëdhëniet që kanë ndikuar në jetën e saj.

Në një intervistë për podcastin “Call Her Daddy” me Alex Cooper, vajza 28-vjeçare e Michael Jackson zbuloi se fejesa me producentin muzikor Justin Long nuk ishte e para në jetën e saj. Ajo kishte qenë e fejuar edhe më herët, gjatë një periudhe kur ajo dhe partneri i saj përdornin drogë.

“Edhe pse ishim nën efektin e drogës, për mua dashuria ishte e vërtetë”, u shpreh Paris, duke treguar se unaza e fejesës ishte blerë me paratë e saj, pa dijeninë e saj.

Duke folur për ndarjen nga Justin Long, të cilën e konfirmoi publikisht në korrik të vitit 2025, këngëtarja tha se vendimi nuk ishte aspak i lehtë.

“Ishte një zgjedhje që duhej ta bëja për të qenë e lumtur”, deklaroi ajo.

Paris shpjegoi se për një kohë të gjatë kishte pyetur veten nëse marrëdhënia mund të përmirësohej po të qëndronte edhe pak. Me ndihmën e terapistit, miqve dhe njerëzve të besuar, ajo kuptoi se të qenët njeri i mirë nuk mjafton gjithmonë për ta bërë dikë partnerin e duhur.

“Vetëm sepse dikush është njeri i mirë, nuk do të thotë se është personi i duhur për mua. Gjërat për të cilat nuk bëj kompromis kanë të drejtë të mbeten të tilla”, tha Jackson.

Artistja pranoi se në të kaluarën i kishte vendosur shumë poshtë standardet në dashuri, ndërsa tani ndihet më e sigurt për të kërkuar më shumë nga një marrëdhënie.

Një pjesë e rëndësishme e intervistës iu kushtua edhe rrugëtimit të saj drejt një jete pa alkool dhe drogë. Paris, e cila ka folur më parë për varësinë nga heroina dhe alkooli, tha se maturia e plotë ishte e vetmja alternativë për të.

“Nëse konsumoj marihuanë ose pi një gotë alkool, do të përfundoj përsëri te heroina”, rrëfeu ajo, duke shtuar se kishte arritur në një pikë ku nuk mund ta kontrollonte më përdorimin e substancave.

Burimi;https://www.youtube.com/watch?v=jR8-dzLECUE

Foto: https://www.instagram.com/parisjackson/?hl=en