Hailey Bieber bën një gjest të madh për familjen e Eric Dane, dhuron mijëra dollarë pas humbjes së aktorit

Modelja dhe sipërmarrësja e njohur, Hailey Bieber, ka treguar anën e saj më humane duke dhuruar një shumë të konsiderueshme për familjen e aktorit Eric Dane, i cili u nda nga jeta pas një beteje të vështirë me sëmundjen ALS.

Sipas mediave ndërkombëtare, Hailey ka kontribuar me rreth 20 mijë dollarë në një fushatë GoFundMe të hapur për të mbështetur familjen e aktorit, veçanërisht dy vajzat e tij adoleshente.

Ky donacion e rendit atë mes kontribuuesve më të mëdhenj, ndërsa shumë figura të tjera të njohura të Hollywood-it kanë dhënë gjithashtu mbështetje financiare për familjen e Dane, duke treguar solidaritet në një moment të vështirë.

Fushata, e cila fillimisht kishte një objektiv më të ulët, ka arritur të mbledhë qindra mijëra dollarë në vetëm pak ditë dhe vazhdon të rritet, falë mbështetjes së fansave dhe miqve të aktorit. Paratë do të përdoren për të siguruar stabilitet dhe të ardhme për fëmijët e tij pas humbjes së parakohshme.

Eric Dane, i njohur për rolet e tij në seriale të suksesshme, humbi jetën në moshën 53-vjeçare, pasi kishte bërë publike diagnozën e tij rreth një vit më parë. Ai u shua i rrethuar nga familja dhe njerëzit më të dashur, duke lënë pas një trashëgimi të rëndësishme në botën e kinematografisë.

Ky veprim i Hailey Bieber është pritur me reagime pozitive në rrjet, ku shumë e kanë vlerësuar për mbështetjen dhe solidaritetin e treguar në një moment kaq të ndjeshëm.

Burimi: 
https://pagesix.com/2026/02/22/celebrity-news/hailey-bieber-donates-20k-to-eric-danes-gofundme/

Foto;https://www.instagram.com/haileybieber