Nga ndarja e Eneda Tarifës tek sherri mes Encës dhe Roselës. Si i gjykojnë gazetarët ngjarjet e showbizzit

Ngjarjet me të përfolura në showbizin shqiptar kohët e fundit kanë bërë bujë në rrjetet sociale.

Divorci i këngëtares Eneda Tarifa nga bashkëshorti, rikthimi i Elvana Gjatës në Tiranë dhe “sherri” virtual mes këngëtareve Rosela Gjylbegu dhe Enca Haxhia janë komentuar sot nga gazetarët Dasara Kasaiskaj, Eni Shehu dhe Gerta Gixhari.

“Eneda ka preferuar të mbajë një qëndrim duke mos reaguar dhe duke i bërë mediat të aludojnë vetë. Ajo gjithnjë ka qenë asnjëanëse ndaj lajmeve që botohen për të, por unë kam kuptuar nga në një komunikim me të se ajo është asnjëanëse dhe s’ka për të reaguar derisa të largohet vëmendja prej saj. Ata kishin një lidhje shumë të gjatë dhe janë njohur që të rinj”, tha Gixhari.

Ndërkohë lidhur me 31-vjetorin e Elvana Gjatës në Tiranë dhe eventin “Live session” EP 3, Shehu tha se ishte spektakolar dhe se vendosi ndarjen nga studio ku ajo u rrit.

“Ishte një event shumë i rrallë, ishte aq intim sa edhe spektakolar. Ajo vulosi ndarjen nga studio ku u rrit.

Referuar fjalëve të Elvanës e cila tha: “Kisha idenë për të bërë këtë koncert vetëm në një dhomë por Dalina më tha që nuk duhet të jetë ashtu siç e kisha menduar unë, por më tha se duhet të dal nga ajo shpellë”, unë dua të them se Elvana se kishte ftuar njerëz shumë të rëndësishëm për të të dhe mu duk  si një koncert shumë i bukur ‘live’ për të treguar që është një këngëtare shumë e mirë. Ajo ka mbaruar për regji dhe koncerti ishte i organizuar shumë mirë”, tha Shehu.

Link: https://www.youtube.com/watch?v=s2MuadB9Z4k

Burimi i fotos kryesore: https://www.instagram.com/p/Be3lMIeFIsZ/?taken-by=rudinamagjistari