Në 8 mars i rrallë për Sabianin dhe Marselin. Dueti i mirnjohur ka një dhuratë për publikun

Kjo periudhë ka qenë shumë e ngarkuar për Sabianin dhe Marselin. Por edhe ftymezimi për ta nuk ka qenë i pakët, pasi adhuruesit e shumtë stimulojne tek ta një shtysë më shumë për të mos u kursyer në performanca dhe krijimtari.

Padyshim që në Ditën Ndërkombëtare të Gruas, të dy artistët i gjejmë të angazhuar me punë dhe pikërisht në mes të nënave dhe motrave të nderuara, që për një ditë të vetme larguan nga vetja shqetësimet dhe sakrificat familjare, për t’iu bashkuar këngës, valles dhe dëfrimit që i përket vetëm asaj në këtë ditë feste.

“Portretet e nënave që na falenderonin e puthnin duart, janë të paharrueshme dhe njëherazi një mrekulli frymëzuese për të vijuar pa e ndjerë lodhjen, jo vetëm gjatë performancës, por edhe në krijimtarinë tonë.”, shprehet Sabiani për Arkiva News.

Jo më larg se sot Sabiani na bën me dije se do publikojë projektin e tij të ri artistik, i cili pritet të ketë motive kombëtare.

Foto: ©Arkiva News