Aktori i njohur Bes Kallaku prej disa ditësh është duke ndihmuar banorët e Bubqit të cilët janë prekur nga tërmeti shkatërrues i cili në këtë zonë ka shkatërruar të paktën 300 banesa.
Në një intervistë për “Tv Klan”, nga ky fshat, Besi me lotë në sy thotë se Musai ka kaluar një traumë në jetën e tij, pasi ka humbur vajzën disa vite më parë dhe djalin së fundmi, ndërsa aktualisht jeton me të shoqen dhe fëmijët e vajzës.
Ai tregon se shtëpia e tyre është shkatërruar nga tërmeti dhe e kanë të nevojshme një ndërhyrje të menjëhershme.
Aktori thotë se do të hapë një llogari për të grumbulluar fonde për fshatin Bubq, ndërsa vetë ai tha së bashku me Xhensilën do të dhuronte 5 milion lekë të vjetra si dhe të gjitha fitimet e nxjerra gjatë një jave nga shitja e biletave të filmit “Falco”.
Link: https://www.youtube.com/watch?v=6JWDcXyyrHM&feature=emb_err_watch_on_yt
Burimi i fotos: https://www.youtube.com/watch?v=6JWDcXyyrHM&feature=emb_err_watch_on_yt